Sunndaachs, do hab ich mir gedacht: Jo aller geh ma mol ins Reptilium nach Landaach. Hot mich jo schunn immer intressiert. Aller dann hab ich mir moi Fraa gschnappt und dann simmer ach schunn losgfahre.
Wie ma dort akomme sinn, hab ich erstmol gemerkt wie warms do eigendlich drin iss. Allerhopp Jacke aus.
Also do war jo echt absolut die Hölle los, unglaublich do gehen se jo alle hi. Das sich so viel Leit für die Viecher, ääh Reptilien interessieren, wusst ich gar net.
Ich kann nur jedem empfehle do mol nazugehe, do sind so viel unnerschiedliche Tiere zum aagucke. Und es Beschde iss, dass ma e paar Tiere ach noch afasse darf und e Foto devunn mache kann. Gut für uff de Kamin, des Foto.
Soviel Kinder wo da waren hab ich noch nie uff eem Fleck gsehne. Aber alle subba gelaunt und des hot denne echt Spass gemacht.
Aller ich kann nur jedem mol empfehle, dass er ins Reptilium nooch Landach geht, weil sich de weg voll gelohnt hot (ich kumm aus Haßloch) un ich habs ach net bereut. Die riese Boa zu sehe, zu streichle und se dann mol um de Hals gelegt zu bekomme is echt e tolles Erlebnis.
Do geht ders Messer im Sack uff.
Die Atmosphäre iss subba, s Personal iss freundlich-gibt immer Auskunft wannd se frogschd-, draus iss kalt inne iss warm, die Kinner sinn betreut.
Was willschdn mehran emme veregnede Sunndach.
Also ich kanns nur jedem mol rode, des Reptilium in Landaach zu besuche.
Gruß aus Haßloch
euer Erwin